【本報訊】每年初一均有不少信眾於子時上頭炷香，祈求神明保祐，今年亦不例外。頭炷香常客黃夏蕙（夏蕙姨），28日早在下午三時到達黃大仙祠輪候上頭炷香。已屆94歲的夏蕙姨花了五小時化妝，以白蛇傳造型現身，手持纏肩青竹蛇公仔。她祝願世界和平，眾人平平安安，「蛇好叻呼風喚雨乜都得，能量係好叻，可以畀啲能量大家，身體好乜嘢都做得好！」
夏蕙姨以白蛇傳造型上香，甫出現即吸引大批市民圍觀，有人高呼「夏蕙姨好靚呀！」有外國遊客則把握機會與夏蕙姨合照。去年回流香港的夏蕙姨指，蛇年願望是「香港個個都努力做人，最緊要保護身體，最緊要健康」，新年大計則是希望在港開設老人院，「繼續做自己要做嘅嘢」。她已在新界選址，「老人好慘㗎，有啲老人兒女唔睇佢，一個人，如果開老人院就可以大家玩，幾好呀！」至於今年的白蛇傳造型，她稱「上年已經開始諗個設計」，今早花5小時裝扮至下午。到黃大仙祠上頭炷香多年，黃夏蕙形容「呢啲係我嘅心願」，過往有七位朋友一同上頭炷香，「一有人唔嚟佢就上咗天喇，仲嚟嘅得返我，所以我要好好哋嚟黃大仙，都希望朋友喺極樂世界開心啲」。分享 / Share :
